تبادل
لینک هوشمند
الحمد لله علی هلحال ورده
ولو جسمی یبس بالعود ورده
ارید اهناک انا من الحوض ورده
من ابو الحسنین ابو اچفوف السخیه
حمام الدوح حني ما تحنه
الظهر لو ما فراگک ما تحنه
احلفت للموت چفی ما تحنه
لمن شخصک یرد سالم علیه
هم تدری علیک اشکثر حنیت
اضلوعی والظهر بجفاک حنیت
ابیوم العاد شخصک علي حنيت
اچفوفی والیود فرحان لیه
یحگ لی لو سکنت البید والهام
صبر بلچن یطیب الالم والهام
عمری اربعتش یا ناس والهام
شیب من کثر هضم العلیه
یحگ لی لو همل جفنی وکتلای
دمع من حیث ما یصفه وکتلای
وکت تجری علیه غصه وکتلای
امنازع دونها وتدنه المنية
شهم شطحل شدگن صبر شلهم
العواذل والدهر ویای شلهم
عمامی الما تخیط فتگ شلهم
هضم لو شلته الایناب لیه
اصافح للدهر وانگاد ویناب
اصیح ولا من الخوان ویناب
یلاعبنی شمال وشرق ویناب
امکارب نوب الي نوب العليه
اصيح اعلى الزمان وما يصح لي
وخوي اليشرك ابهمي ما يصح لي
الطبيب امتحن بيه ما يصح لی
جرح عندي غزير وعمل بيه
يدهري اشما ردت تولي ولك حيل
ابزودك والذي تملك ولك حيل
الكديش ابساعته يبين ولك حيل
يطلعه اضراعه يوم الموزمية
رجال الما حمت بالضیج یرها
وزنهم خف ولا ظن بعد یرها
کثیر الگال انا عیناک یرها
علی کنداقها وسلم خطیه
بچیت ودمعتی زادت بسلها
وصرت شبه البلع نخله بسلها
کثیر الگال انا اعگالک بسلها
گفه واترک حمله اعلی الوطیه
یصاحب شوف جرح الگلب شده
علیک وطیبته ابیمناک شده
ردتک من تصیر وياي شده
گبل لا یگع حملی اتمر علیه
وحگ عقدالولایه مره اسلها
مره اغمت اجفونی مره اسلها
مره اتضیج روحی مره اسلها
ابزاچی اللبن من یجبل علیه
حلات الرجل بالشدات ینهم
اسد وگصه ابصدور اعداه ینهم
جبیله لو یصیر الکون ینهم
لرض قفره ولگه احتوف المنیه
تشهد لی الغرب والحاط یمنه
ومهوه چنت للخطار یمنه
الیسره ما تطگ من غیر یمنه
شلت یمنای بس العچس لیه
تبعت الظعن واصرخ والحدایه
وچتفونی ابسلاسل والحدایه
اشیل الحمل کله والحدایه
اعجزت من ذبوا المنخل علیه
علیش اتلومنی للظعن چبریت
السبب لن علتي بحشای چبریت
من یمناک اریدن فرد چبریت
واچمل النار البگلبی السریه
الدهر بالک من افعاله ولو زر
معاون ما یخلیله ولو زر
اظل ابطرگ مزویتی ولو زر
ولا فرگه العمام اتمر علیه
ذلي اخلافهم يا روح ذلي
عمامي وهيبتي وبالضيج ذلی
ابيوم الكون اداوي ازمول ذلي
احدي والحمل عدهم تحيه
راح الچان بیه الگلب یمن
وعلیه من دم دموع العین یمن
اشو ذبنی زمانی النوب یمن
البد وفه وما بیه حمیه
عبدک واشتکی عندک یباری
طریح ومحد من اهلی یباری
المکسور من غیرک یباری
وانت اشفق من الوالد علیه
من همی یلوي الطفل ويشاب
غديت الهم دجيج الصبر ويشاب
حلو الي ربيت وياه ويشاب
شباب اهوه وانا الشيبات بيه
علیه کثرن الطگات والیور
اخوتی ولا صدیق انتغر والیور
امعاتت ما یفیده الدهر والیور
السماحه اتصیر ذل ومهضمیه
علی الزینین یا روحي تراداي
بچیت ودم دمع عینی تراداي
الاسف شیفید یا احبابی تراداي
امچتف هل وکت غصباً علیه
یعت بیه الدهر يهلي وناعت
الخنسه ما تون ونتي وناعت
النذل ما عيب اقصدنه وناعت
بل يكره العتب ويحن عليه
شوف الأشد والأعظم ولدها
نصيبي للحلگ توصل ولدها
صرت مثل الذی امضیعه ولدها
امخرطه اخدودها وتلطم شجیه
وحگ من خالج العسره یسرنه
جنابک من قصد لینه یسرنه
اشما تجبل علي واجب يسرنه
اضلوعي وكل قدم حدره تحيه
الك يلما علي مريت مره
اریاگی اصبحت من فرگاک مره
شعاین شفتکر شرتچب مره
ابهواکم مبتلي وروحي شجيه
اهموم الناس نص حگه وناتل
وچتفنی الدهر یا صاحب وناتل
الچانوا لیوره جدموا وناتل
السبب خانوا عمامی وگصوا بیه
ما تنشد علیه اشکثر منهم
وهمت بالبید کالمجنون منهم
الذنب مو من زمانی اعتقد منهم
عمامی الخالفوا وگطعوا بیه
ما تنشد علیه اشصار وجره
بچیت وسال منی الدمع وجره
شطر سیفه علیه الدهر وجره
اهو بسلاح وآنه اشگف بدیه
الک ود ابوسط گلبی ولک هم
نحل وانفت علی افراگک ولک هم
الک تعتب علي واجب ولک هم
اببياب العين اودیلک تحیه
بچیت وفاضت من الدمع بیدای
السبب گلبی من الخوان بیدای
اخاف النوب اگص یمنای بیدای
الیسره ما تشیل الحمل لیه
عکس جبله وشمال وغرب وشراگ
مربع صار طر الگلب وشراگ
خفج میلی ابوسط البحر وشراگ
ایسدره المد یجیبه الیزر لیه
ابهدوت اللیل الوح ابظهر یلفای
الما عنده ابو یا صوب یلفای
چنت ابگوش هسه النوب یلفای
اهومش والیرف مبعد علیه
دخيل الي يدير الحال بلحال
الیچتفه الدهر گلی اشلون بلحال
آنه الدون منی صفوا بلحال
تعلوا بلشماته النوب بیه
الدهر خوان بفعاله وفتنی
قهرنی وذوب افادی وفتنی
اخوتی الی وفیت الها وفتنی
ابرده ولا شوف الی بیهم تچیه
خله الدهر یسحگ خله خله
علی وثر ابگلبی خله خله
الخلیل اشلون یصبر خله خله
جفه وسارت اظعونه وگطع فیه
ادور عل یدوس الخطر ولفای
وحرت یا ناس بین الشمس ولفای
طحت ما بین دهری وبین ولفای
تسلم یلتگول اگبل علیه
ارید اگصد لذیذ الزاد ولمای
نحیل وصعد بلدلال ولمای
ابعدوی ما یصح لی اطراگ ولمای
ودور کل شجاع وبیه حمیه
الدهر یحلب علیه وآنه حل به
انعجد دلال گلبی وآنه حل به
ایدرها الثور یمته وآنه حل به
اخضن واطلع الزبده وجیه
العواذل فتگوا شلتی ولیراب
الهزله احتچت ابزوری ولیراب
یشامت هم الی حوبه ولیراب
المشه ویای ابرده ایطیح ابهبیه
الک یلخلفت بالگلب خله
ثگل همی وهمک عليّ خله
العزم بالله الخليل ايعود خله
انتلاگه بالهنا ونگعد سویه
اشتذکر هلحمامه اتنوح بالهیم
وعلی درب الاحباب الگطع بالهیم
شجیه اهیه وشریکه ویای بالهیم
افگدت خلها وانا الشحوا علیه
وحگ من طاف بیت الله وحی بی
معرض للگصد وگبل وحی بی
النذل مالی غرض عنده وحی بی
عتابی اعلی البذل روحه الخویه
یا گلبی لا تعوف الصبر وتمل
ولو همک ثگل حمرین وتمل
تره الدنیا غرور ویاک وتمل
افتکر چم حید ضمته الوطیه
بعد ما آمن الدنیا واملها
ابسبب کل یوم تومیلی واملها
سفنها کل وکت تطرخ واملها
الی ساعه التذب انیر علیه
گلبی ایفور کلتنور حامای
الگبل چانوا حمه ایریدون حامای
یروحی النوب علی فوگ حامای
ابوسط لا للسما ولا للوطیه
غدرنا الدهر یا صاحب غدرنا
وبعضها الناس ما تعرف غدرنا
تبدد ماینا وشفت غدرنا
الدهر واهل الوفه خانوا سویه
الدهر بنزول من صوبی لچنه
نهشنی وخلف نیبانه لچنه
لعبت ولا من اچعابی لچنه
صولی وخذوا ترماقی من ادیه
تحیینا ابفرح لسمک وصلنا
لجل عیناک لا تگطع وصلنا
عساهه اتدوم خوتنه وصلنا
بحگ المرتضی حامی الحمیه
تهوی الروح ما یحصل یدلها
على اهل المجد من اب يدلها
شوف الخنفسه مدت يدلها
تريد ويه الوذن توگف سویه
جفنی ما غمض للنوم وراگ
وغدیت التاذ بلریجان وراگ
المرایل صفت للعگروگ وراگ
وابو الزمیر مد سیفه علیه
یا گلبی من الهموم اتلول وسر
ابسبب ما تکتم السهلات وسر
الما یدهن احبال الوصل وسر
جرم ویروح کل وصله ابنویه
حمل اهموم الگلب وینه الذی چایله
حمرین اظن لو سمع حتی افتکر چایله
بسک بعد یا دهر المن یبت چایل
ما من اخوه بعد عنی الخوان ابعاد
عافوا الجنه ومشوا مستعبرین ابعاد
یا عابد الله لا تعبد عباده ابعاد
دعواک لو تنقبل هم الگلب چایله
خلص گوتی وبگالی الصبر چالای
وطحت من فوگ حده اببطن چالای
الو یسمع ونینی المیت چالای
انطر لحده ونهض وانتغر لیه
صدیت منه وخفت یوم الدهر یا علی
چتفت الیدین من فضلک الی یا علی
گلی علیک الدهر گمت انتخی یاعلی
یا حامی الجار چمدوب الصبر لاوین
ذبلن اهروش الگلب منی ایبسن لا وین
شیفید ونی بعد یا اباالحسن لاوین
وانا نحیل الجسم بس النفس یاعلی
متی اعلوم النوایب یعلمنا
ابعجل وانصیح انهضن یعلمنا
جرعت الصبر لکن یعلمنا
الساقط والخنیث ایعیل بیه
انتلی الروح منی وشله بیها
اییست والعین ماظل وشله بیها
انا چمدوب اصگر وشله بیها
بعد ما ترغب الچف گید نیه
ساهرت لیلی ابفرح من حین خطک وصل
من حیث اعرفک شهم من بطن آفه وصل
کثرت مصایب علي ودعن اگلیبی وصل
وحیات من رضعتک من ثدیها بیدار
اهموم کثره احملت وسط الحشه بیدار
لو ردت تسأل علي چان اسألت بیدار
بالقلعه ساکن انا وگطعت بیه الوصل
هلي ركبوا سبايه وشرگوهن
وعنوهن امغیرب شرگوهن
هلی سله وصوارم شرگوهن
احشاي من اصبحوا عني اغياب
.
نظرات شما عزیزان:
